Dat Doe'w - Simpel


Wi-j zaten op ’t terras, lekker oaver ’t leaven te proaten.
Zonder al die wieven, alleen met kameroa-jen.
Doar komt ze weer an, met een hoop gedram;
Donder op.
Natuurlijk wollen zi-j d’r weer intelligent op ingoan.
Moar zi-j wetten d’r ja niks van, hol toch alsjeblieft toch op man.
Zi-j goat moar deur, met een hoop gezeur;
Donder op.

Ref.
Wi-j holt ut simpel.
Wi-j holt alleen van Rock en Roll.
Wi-j holt ut simpel.
Zo hollen wi-j ’t joaren vol.
Rock en Roll, Rock en Roll.
Rock en Roll is mooi.

Ik kwam mien laatst terecht bi-j allemoal muzikanten.
Ik kon ut niet geleuven, die jongens wisten van wanten.
Een echo’tjen hier, delay’tjen doar;
Donder op.
Zi-j vroegen an mien: “wat speel jij eigenlijk voor een gitaar?”
Ik zei: “dat wet ik niet, moar as hi-j vals is, dan klinkt hi-j raar!”
Zi-j lachten mien uut, dat kan toch niet;
Donder op.

Ref.

Muzikanten bunt wi-j niet en zult wi-j ok zeker nooit worden.
Wi-j stoat hier uut de gein, doar is ut um begonnen.
Ja wi-j redt ons wel, met simpel spel;
Donder op.
Mensen kiekt ons an en zi-j denkt: “Ie mot oe’w schamen”.
Moar bi-j de eerste de best swing-beat, knikt zi-j ‘ja en amen’.
Nee wi-j doet dat niet, wi-j kiekt wel uut;
Donder op.

Ref.