Jovink en de Voederbietels - Malle Willem


Kiek doar woonde Malle Willem, op 't ende van de stroat
Hi-j was dan geen helder licht misschien
Moar Malle Willem den dee-j geen mense kwoad

Iedereen mocht Malle Willem 
Hi-j stond altied veur ow kloar
As hi-j een ander helpen kon 
dan dee-j-e dat en zag-e geen gevoar

Refrein:
Noar de reagenboog, doarnoa was hi-j op pad
Noar de reagenboog, want doar ligt een golden schat
Willem wist 't zeker, doar wol hi-j noartoe
De schat was een kadootje veur zien moe

Op de dichtgevroren viever 
stuitte Willem op zien schat
Een goldvis die doar fonk-lend en blinkend 
in 't grauwe ies gevroren zat

Refr.

Malle Willem kwam,
Malle Willem kwam,
Malle Willem kwam nooit meer leavend onder 't ies vandan

Noar de reagenboog, doarnoa was hi-j op pad
Noar de reagenboog, want doar ligt een golden schat
Willem wist 't zeker, doar wol hi-j noartoe
De schat was een kadootje, 'n welgemeend kadootje
Veur zien lieve zoete suukerzieke moe........