Kennčh - Kiezeman


werme stoel plekt an mien bene
rammelkar kump aangereje
lei-jt vol iezer, klemme, bore
burdje op de deur niet store

kiezeman die kump naor veure
lacht mien uut, `t geet gebeure
griept wat tange um te trekke
pakt z`n jas vol rooie vlekke

kiezeman is groot en hi-j lup mank

an de wand veul schilderi-je
van vervalle boerderi-je
spinnewebbe hange vrolijk
roestplek op de boor en mondstuk

ik zit vast maor ik wil vluchte
weg naor buute um te luchte
kieze vliege um mien ore
kiezeman is druk aan `t bore

kiezeman is groot en ruukt naor drank

kiezeman is groot en hi-j lup mank
hi-j trekt ow alle kieze goed of slecht 
mikt um niks uut

en kiezeman is breed en ruukt naor drank
as hi-j begint te bore steet d`r wasem op de ruut
 

ik schrik op, een deur zwaeit ope
d`r kump een kearl naor mien gelope
ik riep ow al gi-j bunt de letste
kiezeman is weer de netste

en ik hoap ik dat nooit meer
in slaop val as ik weer een keer
zit te wachte in de kamer 
en mien kies weer klopt...

as een hamer