Kennčh - Olderwets Gezellig


ach minse, kom d`r in
want buute is `t slecht
geen hond die wil d`r uut
dat is wat ik ow hier zeg

hier binne is `t warm
de openhaerd die brindt
kom, trek ow jas maor uut
`t licht dat wurdt gedimd

toe schuuf maor bi-j ons an
want d`r is nog plek genoeg
dan drinke wi-j met z`n allen
nog een biertje in de kroeg

as de jukebox wurdt gevoerd
speult hi-j zien mooiste dreun
die olderwetste singles
met zo`n olderwetste dreun

de stemming kump d`r in 
de kroeg is haost te klein
vergeat hier al mien zurge
hier is `t leave fijn

zo olderwets gezellig
in de kroeg en ik geniet
wi-j zinge lalala
want de tekst verstaon wi-j niet

de lampen bi-j de teek, die deinen vrolijk met
op de klanke van weleer, de toon die is gezet
piratenhits en glaeze, die klinke deur de tent
wat praote en veul lache, dat zun wi-j zo gewend

en dan bun ik meu-j, en wil ik naor mien bed
nog een letste rundje, want Maris pakt d`r trompet

en d`n aovend wurdt al nacht
dat geet toch veuls te vlug
maor is `t werk gedaon
dan kom ik hier terug