Neet oét Lottum - Alcantara


Breujende zôn, Sahara-geveul, 
'k stap oét d'n trein allein mien iés is nog keul 
'k Kiék um mich haer, de zôn die schiént rech 
Op mien gezich en d'n trein dae riét weg 
Oét 't staasjon, links nog ein hoés 
Rechs nog ein winkelke, neemus is Thoés 
Neemus op straot, 't heits van d'n daag 
De hitte bevingk mich en alles wuurt vaag 

refr. 
Alcantara, Godvergaete plaetske 
In 't midde van nörges 
In de Middellandse Zieë 
Alcantara, Godverlaote plaetske 
Bin ik heej waal örges 
En kom ik oéts nog wieër? 

Waat doon ik heej nog, maffia-gaat 
Schouders verbört en mien tiesjurt kletsnaat 
De waegkès zien stil, 't spoëk euveral 
De zôn lok mich steeds wieër in de val 
Nörges waat schaduw, ik strômpel maar door 
Mien liéf rup um Water, ik veul mich zoë goor 
En nörges ein leeve, behölpzaame vrouw 
Gen kroeg en gen pomp, Miene God ik val flauw 

(refr.) 

Maar dan in de vaerte, met ein fles Beer 
Op enne stool enne dieke meneer 
'k zeg: ' Skusie sinjore, informazione: 
Aqua o birra o watermelone?' 
Hae luút enne boer, en sluúp röstig door 
De straot löp heej doëd, ik staon veur ein moor 
Ik dreij mich weer um, kiék rech in de zôn 
Det takke-ind truuk nao det pôkke-staasjon 

(refr.) 

Idderen trein, dae riét heej veurbeej 
Zellufs de stoptrein van kwart euver dreej 
Geliék det ze hebbe, al klink 't waat zoor, 
Waas ik masjienis, dan reej ik auk door 
Intelik dan, viéf oor gewach 
Op perron 2 d'n trein van 10 euver 8 
Gauw spring ik d'r in, neemus stap oét 
Ciao Alcantara! Ik kôts door de roét!