Neet oét Lottum - Baove de groëte riviere


Geld en waord die ik nog noeit had gehuurd 
Op zo'nnen toen waovanse dinks 'rot toch op' 
Deur en hoëg doon, en deep wille gaon 
Met zô'nnen euverdreeve serieuze kop 

Schande spraeke van iets onbekinds 
En diskussies euver oorlog en pien 
Ingetaoge, de lach neet te breid 
Ut liek soms waal asof ze tiën jaor alder zien 

En viére ze dan fees, dan laote ze zich gaon 
Maar auk weer neet tevuul, ze motte rechop blieve staon! 


refr. 
Baove de groëte riviere 
Is ut gen fees um te zien 
Ze kinne nog waat van ôs liere 
Dao baove de Maas en de Rien 
Baove de groëte riviere 
Kump genne Limburger gaer 
We laote de touwe waat viere 
En vaare d'r zachjes umhaer... 

Profilere, polonaisere 
en ein grapje meug neet al te kwetsend zien 
Bors veuroét, baeter as de res 
En op de tiéd waat kaviaar en Franse wien 

Maar ik zeg ôg te melde hebbe ze niks 
De kaf is deur maar d'r steit weinig in 't book 
Ze veule zich, maar baeter zien ze neet 
Dan welke boer dan auk beej ôs Thoés um de hook 

Ze lache ôs waal oét, en zeen zichzelluf gaer 
maar det mak ôs niks oét, dao prikke weej doorhaer! 

(refr.)