Neet oét Lottum - Limburg Los


We kriege enne keuning 
en ein eige keuningin 
En 'n eige Limburgs elftal 
zonder Ajaciede d'rin 
Mestreech det wuurt de hoofstad 
en Venlo krieg de res 
Want zonder die oet Holland 
lok ut os auk bes 

Daorum wille weej, Limburg vreej 
Daorum wille weej, Limburg vreej 

De Maas struimp noeits mier euver 
En idderein praot plat 
Idderein vrit flaai 
En idderein wuurt zat 
Ut Brons-Greun-Eikeholt 
Vervingk ut roed-wit-blauw 
Lei Meise wuurt president 
en Beppie wuurt zien vrouw 

Daorum wille weej, Limburg vreej 
Daorum wille weej, Limburg vreej 

Weej wille Limburg Los, Limburg Los 
Limburg Los jao Limburg Los 
Weej wille Limburg Los, Limburg Los 
Limburg Los jao Limburg Los 
En we bouwe 'n moor 
Um Limburg, um Limburg 
We bouwe 'n moor 
En genne Hollander dae kump dao dan nog door! 

We zinge euver nachtegaal 
en heisse ozze vlag 
We strieke ut Limburgs lieuwke 
door zien roeije vach 
En moch ut os neet lokke 
Dan haet ut niks gekos 
Want zelfs as Limburg vas zit 
dan nog blief Limburg Los! 

Daorum wille weej, Limburg vreej 
Daorum wille weej, Limburg vreej 

(Refrein)