Rowwen Hèze - Ellendige Merge


Gruwlijke merge, ellendig begin
Ik hoof vurleupig gen minse te zeen
Ik wer langzaam wakker, terwijl ik nog sloap
Mien oege zien dicht, gordiene zien oap
Ellendige merge, gruwlijke nacht
Neet kunne sloape, allien mar gewacht
Ik krieg mien gedachten mar neet op 'n rij
Ik woel en ik wacht en begin wir op nij

Oh, ik wil neet zeure, mar 't is al half veer
Ik mot nog wat drinke, desnoeds drink ik beer
Mien hart dat sluut oaver, mien tong die zit vast
En ik staar al oore nar miene kast

Honderd verhaale, ik denk an d'n baas
Wat zuj d'r gebeure, als heej meej 's waas
Als heej enne daag op mien plats mos goan stoan
Net zo hard zwiete als ik heb gedoan
En ik denk an gister wat ik heb gezagd
Hoe geej nar meej keekt en teage meej lacht
En alles wat geej meej daornoa het verteld
En ik krieg spiet dat ik meej aan heb gesteld

Oh, ik wil neet zeure, mar 't is al half vief
Zonder wat drank keumt gen rust in dit lief
Mien hart dat sluut oaver, mien tong die zit vast
En ik ken elke plank van de kast

Dan denk ik an merge wat ik nog mot doon
Welke boks met welke schoon
En welk T-shirt met welke bloes
En of ik meej zoe was of dat ik meej douche
En vur dat ik 't wiet val ik in sloap
En zij ik ow stoan, ik hijg en ik hoap
En ik dow ow zachte lief teage meej aan
Ik kniep en ik griep, mar 't keumt d'r neet vaan

Ik wil neet zeure, mar 't is al half zes
Ellendige merge, ellendige fles
Vandaag blief ik ligge, vandaag bin ik zeek
Mien hart dat sleut oaver, mien maag is van streek

Ik wil neet zeure, mar 't is nog zo vroeg
Ellendige merge, ellendige kroeg
Ik krieg mien gedachte mar neet op 'n rij
Ik woel en ik wacht en begin wir opnij